Жылдагыдай эле Нооруз майрамында мектепте алоосто болду. Быйылкы алоостоонун өзгөчөлүгүн 7-а классы даярдаган концерт ачып турду.

Нооруз майрамы А.Аралбаев орто  мектебинде салт болуп калгандай мектептин  үлгү боло турган эжелери жылыга мектеп ичин аласташат. Быйылкы жылы Майрам Токсобаева аластады.

“Менимче бул чоң жоопкерчилик деп эсептейм. Атайын аластоо үчүн чоң даярдык көрдүм. Аластоодо кандай ырым-жырымдар жасалаарын  эске алып, болгон аракетимди жасадым. Мага жардамга 7-а классынын окуучулары келди. Окуучулар өздөрүнүн чакан концерти менен коштоп берди”.

  Кеченин  катышуучусу Зарина Болотбек кызы оюн төмөндөгүдөй билдирди:

“Буга чейин  Нооруз майрамына арналган концерттерди көргөм, бирок өзүм катышканда көп нерселерди ала алдым. Мисалы үчүн “Бала бешикке ” салуу салтын аткарганда атайын талаптар бар экен. Жөн эле бешикке салып койбостон, бешик ыры ырдалды,чачылоо таратылды,чоң эненин ролун ойногон Бермет ак батасын берди. Баланын уйкусу тынч болсун деп, бешиктин үстүнө 9 жууркан жабылат экен . Мага бул жаңылык болду”

Автор: Таалайбек кызы Нурила.