“Куланак” жамааттык мультимедиа борбору

Нарын району, Куланак айылы

Чыгаан инсан Жеңиш Султанованын эмгектери

21 Май 2016 жыл 12:12
Көрүүлөрдүн саны: 162

Куланак айылынан чыккан  чыгаан инсандар абдан көп. Алардын катарында врач Жеңиш Султанова дагы бар. Куланак айылынын жаш журналисттери «Чыгаан инсандар» долбоорунун негизинде элге эмгеги сиңген врач тууралуу кызы Майрам Көчиева менен маек куруп келди. 
20160514_154715

Майрам Койчиева учурда Жеңишкүл Султанова атындагы Куланак айылдык ооруканасында башкы дарыгер болуп эмгектенет. Ал апасы тууралуу бизге төмөндөгүлөрдү айтып берди:

-Апам 1961–жылы 18 жашында турмушка чыккан. 1965 –жылы окуусун бүтүрүп, эмгек жолун биринчи Куланак айылынан баштаган. Анда район мезгили болуп Учкун айылына барып келип иштеди. Өмүрүнүн акырына чейин ушул жерде иштеп, эмгеги синди.

Баскан издерибиз бир болчу. Апам бардык жагынан төп келген, аялга таандык бардык касиети бар эле. Күнбү-түнбү ар дайым жумушуна даяр болчу.Ар бир адамдын өмүрү менен кармашып, эмгеги жанды. Апам ушундай маданиятуу адам эле. Кары адамдар менен карыдай,жаштар менен жаштардай сүйлөшчү. Боорукерлиги, назиктиги,сулуулугу менен өзгөчөлөнүп турчу.(ыйлап)

Апам 26 жашынан баштап сыйлыктардын ээси боло баштаган. Өмүрүнүн акырына чейин Куланак бөлүмүнүн  «Ардагер насаатчы, дарыгер» катары эмгектенип келди. 2013-жылы айыл тургундарынын жана жергиликтүү кеңешинин депутаттарынын колдоосу  менен эмгеги сиңгендиги үчүн көзү тирүү кезинде ооруканага аты берилди.

20160518_121821

Апамдын бир туугандарынан үчөө доктур эле. Балдары, неберелери дагы апасынын жолун улашты.

20160518_121851

Өмүр баяны:

Женишкул Султанова 1942-жылы 10-январда Ат-Башы районуна караштуу ,Кара-Суу айылындагы  кызматчынын үй-бүлөөсүндө туулган. 1948-жылы  Ат-Башы районундагы Кара-суу орто мектебине 1-класска кирген.

1958-жылы 10-классты ийгиликтүү аяктап, Фрунзе шаарындагы Кыргыз мамлекеттик медициналык институтунун педиатр бөлүмүнө кирген. 1965-жылы аяктап врач-педиатр кесибине ээ болуп, 1965-жылы Тянь-Шань райондук ооруканасына врач-педиатр, 1971-ж Куланак ооруканасына башкы дарыгер болуп, 2008-жылга чейин үзүрлүү иштеп келди.

Иштеген мезгилдери ичинде калктын саламаттыгын чындоого өзгөчө жаш балдардын, энелердин ден- соолугун сактоодо коптогон ийгиликтерине жетишти. Натыйжада 1 жашка чейинки балдардын өлүмү  кыскарып, балдардын арасында кездешүүчү жугуштуу оорулар катталган эмес. Алдын ала жүргүзүлгөн чаралардын негизинде эмдөө жүргүзгөн.

20160518_121900

Жеңиш Султанованын элесине күйөө баласы Көчөр Темирбеков төмөндөгүдөй ыр саптарын арнаган:

Эл сүйөт сени түбөлүк,                                                                                            Жениш Султановага арналат,                                                                                            Күн тийсе тоодон чачырап.                                                                                           Ызылдап келип тийдиби.                                                                                       Ышкырып учкан ажал жок,                                                                                              Эл суйот сени түбөлүк,                                                                                                       Эмгектен салдын эстелик,                                                                                                   Куланак ооруканасы.                                                                                           Кулпуруп турат эскерип,                                                                                                    Элимде күн-түн иштедин,                                                                                               Наам алдын, эмгек синирген,                                                                                         Уул-кыздын уучун кур эмес,                                                                                     Бактысын көрдүн өмүрдүн,                                                                                                 Кааранын калкыйт орун бош,                                                                                         Кайгыда током орун бош,                                                                                           Ыйладык өксөп таппадык,                                                                                           Ыйманын болсунжан жолдош .                                                                                 Өмурдун соолбос гүлү экен,                                                                                               Кайберен жытын искеген,                                                                                         Түбөлүк  өчпөйт издерин,                                                                                           Тирүүсүн дайым эл менен!

1970-ж.В.И Лелиндин туулган кунунун 100 жылдык юбилейине карата  «за даблестиный труд”, 1976-жылы «за трудовое отличие” медалы менен, ошондой эле 1976-жылы Минздрав Кир ССРинин РК провсоюза медроботнив тарабынан “победитель соцсалистческого соревнование” деген наамдар менен сыйланган.

1981-жылы  “Кыргыз ССРинин эмгек синирген врачы” ардак наамын, 1988-жылы  «Кызыл жарым ай» коому тарабынан диплом менен сыйланган. Н.И Прогов атындагы төш белгиси ,1988-жылы “ветеран труда” медалдарын алган.1983-жылы Кыргызстан комунистик партиясынын 18-съездине,2003-жылы Кыргыздардын бүткүл дүнөлүк экинчи курултайында делегат болуп катышкан.

1999-жылдан бери персоналдык пенсионер, райондук жана жергиликтүү кенештин бир нече жолку чакырылышынын депутаты болуп шайланган. Саламаттык сактоо жаатындагы реформага ылайык, 2002-жылы оорукананы кайрадан ачып , Нарын облусундагы бириктирилген ооруканасынын «Куланак» бөлүмүн негиздеген.

2012-жылы Нарын облустунун “Ардактуу Атуулу” төш белгиси менен сыйланып, стипендия алган. Өмүрүнүн акырына чейин Куланак бөлүмүндө “Ардагер насаатчы дарыгер” катарында эмгектенип келди. Көзүнүн тирүүсүндө 2010-ж ооруканага айыл тургундарынын колдоосу менен “Жениш Султанова атындагы оорукана” –деп аталып калды.

Жеңиш Султанова 2015 -жылдын 25-июнда 63 курагында бул дүйнө менен кош айтышкан.

Даярдагандар: Дилде Шатан кызы, Медина Сарбагыш кызы.

Сынак үчүн