“Куланак” жамааттык мультимедиа борбору

Нарын району, Куланак айылы

Ат-Башы районунда өзгөчө абал узартылды

1 Май 2020 жыл 19:25
Көрүүлөрдүн саны: 68

Бүгүн, 1-майда Өкмөттүн Нарын облусундагы ыйгарым укуктуу өкүлү Эмилбек Алымкулов Ат-Башы районунда болду.

Иш сапары учурунда облус башчысы жазгы талаа иштеринен кабар алды.

Ошондой эле посттордун абалын көрүп, нөөмөттө туруп жаткан кызматкерлердин тамак-ашы үчүн өкүлчүлүктүн резервдик фондунан 20 миң сом берди.

Мындан кийин штабдын жыйынын өткөрүп, штабдын мүчөлөрүнө коронавирус илдети менен күрөшүү аракеттерин күчөтүү, Ат-Башыда өзгөчө абалы режими 11-майга чейин узартылгандыктан блок-посттордо тартипти бекемдөө боюнча тапшырмаларды берди,бул тууралуу Нарын облусунун ыйгарым укуктуу өкүлүнүн басма сөз кызматы билдирди.

Автор:Дилде Шатанова