“Куланак” жамааттык мультимедиа борбору
Нарын району, Куланак айылы
Нарын районуна караштуу Куланак айылындагы А.Аралбаев атындагы орто мектебинде салттуу окуу 28- сентябрда башталды.
Аталган мектепте жылытуу системасы капиталдык оңдоодон өтүп жатканына байланыштуу 15 – сентябрдан 25 – сентябрга чейин окуу онлайн форматында жүргүзүлгөн. Учурда мектептин ичиндеги ремонттоо иштери бүтүп, от казан коюу жумуштары гана калган.
окуучулар гимнди жандуу үн менен ырдашууда
Окуу салттуу башталгандан бери пандемиянын шарттарын аткаруу менен күнүгө ар бир окуучунун, мугалимдин жана мектепке сырттан келген адамдардын дене табы текшерилип каттоодон өтүп кирип жаткан мезгил.
Ар бир класс өзүнүн кезеги менен киришүүдө 30 – сентябрда 1 класстан 4 – класска чейинки башталгыч класстарынын жана 5 класстан – 11 – класска чейинки окуучуларынын ата – энелер комитеттери жыйналышка келишти. Мектепке көп киши чогултпоону максат кылган мектеп жетекчилиги башталгыч класстардын ата – энелерин толук чакырууга муктаж болду. Себеби башталгыч класстарга берилчү ысык тамактын чогултууда ата – энелер комитети шайланып иш алып баруу иштери турарын түшүндүрүп, ысык тамакты берүүдө окуучулар убактылары менен камсыз болуш керек экенин мектептин тарбия иштери боюнча директордун орун басары Гулнур Солтобаева токтолуп өттү.
Чогулуш учуру
Окуу салттуу формада башталганын 3 күндүн гана жүзү болду. Мектептин окуучулары мектепти сагынганы көрүнүп турат. Эч бир окуучу сабактардан себепсиз калбастан келип жатышат. Айылда оруп жыйу жана малдар келгендиктен окуучунун баары эле сабакка активдүү катышып жатышат. Жыйналышта мектеп директору Чынар Абдыкадырова ысык тамак берүүдө мектеп жамааты ашкана менен байланышта болбосу керектигин түшүндүрүп берип, ата – энелер комитетин шайлап жана анын иштешине жалпы ата эне кызыктар болуп шарт түзүп берүүсүн суранып өттү. Андан тышкары учурдагы коопту абалды эске алып, окуучу үчүн маска антисептикти камсыздап берүү керектигин жана ата – энелер да эмдөөдөн өтүү менен ооруну алдын алууга мүмкүн экенин айтты.
Мектептин ичинен текшерүүдөн өтүп жаткан мезгил
Ал эми ар бир класс үчүн ата – эне тепловизор менен камсыздап берген. Окуучулардын дене табы күнүгө текшерилип турат жана атайын каттоодон өтөт. Кокус сабакта дене табы көтөрүлгөн окуучу болсо мугалим ата – энеси менен байланышып окуучуну сабактан бошотуп, үйүнө кетирүү керектигин ар бир мугалим билет.
Куланак: Оруп-жыюу баалары өзгөрдү
Айзат Түмөнбаева