“Куланак” жамааттык мультимедиа борбору

Нарын району, Куланак айылы

Ойлоп табуучулардын мыктылары аныкталды

4 Май 2022 жыл 1:18
Көрүүлөрдүн саны: 26

26-28 -апрель күндөрү Ысык — Көл областына караштуу Чолпон — Ата шаарында «Биз XXI кылымдын интеллектуалдарыбыз» аттуу, Улуттук балдар инженердик-техникалык «Алтын түйүн» академиясы уюштуруп, 25-жолу өткөрүлүп жаткан эл аралык сынак болуп өттү


Кыргызстандан тышкары Казахстан, Орусия жана башка мамлекеттер активдүү катышты. Сынакка бир гана окуучулар келбестен, студенттер да катышты. Алардын саны 275ке жетип, жалпы 7 номинацияда 30 га жакын калыстар тобу катышуучулардын иштерин карады.

катышуучулар жана калыстар тобу

«Жаңы технологиялар» номинациясынын жеңүүчүсү, (I орун) Нарын облусуна караштуу, Жумгал районунун, Түгөл — Сай айылынын, Сейдалы Медетов мектебинин 10-классынын окуучусу Ислам Талантбеков менен маек курдук.

Нарын облусунан катышкан окуучулар. Ислам Талантбеков солдон экинчи

» Бул кароо сынакка 3-жыл катышып жатам. Менин жасаган аппаратым бир гана айыл жергесинде эмес, бүт Кыргызстан боюнча актуалдуу. Ал аркылуу электр тогун да үнөмдөп, жайлоодон деле колдонсо болот», — дейт жаш ойлоп табуучу.

Экскурсия учуру

https://youtu.be/S1xiNxNDzwE
Эске сала кетсек, адегенде сынактын райондук туру болуп, андан соң областык кароо болуп, кийин гана эл аралык деңгээлге саналуу гана окуучулар чыккан.

Экскурсия учуру

Кароо сынактан кийин «Рух ордо» маданият борборуна бардык катышуучулар барып, жыйынтыктар шоу-концерт менен коштолуп жеңүүчүлөр  белгилүү болду

Даткайым Орозакунова